Həyat yoldaşı Formula-1-in əfsanə pilotu Mixail Şumaxeri reabilitasiya keçməsi üçün Dallasa aparmağa hazırlaşır.

Axar.az xəbər verir ki, bu barədə Almaniyanın “Bravo” jurnalı informasiya yayıb.

Hazırda İsveçrədəki villasında peşəkar tibbi personal tərəfindən nəzarətdə saxlanılan Şumaxerin son vəziyyəti barədə informasiya verilməyib. Dallasda yerləşən klinikanın rəhbəri Mark Uiks isə Şumaxer ailəsinin yeni ümid yerinə çevrilib. Mark Uiks mətbuata verdiyi açıqlamada Avropada heç bir klinikanın kəllə-beyin travması sahəsində onlar qədər təcrübəyə sahib olmadığını açıqlayıb.

Qeyd edək ki, Mixail Şumaxer 2013-cü ildə düşdüyü qəzadan sonra 2014-cü ildə xəstəxananı tərk edərək İsveçrədəki villasında reabilitasiya kursu keçir.