Avtomobil yeni dəyişikliklər sayəsində daha güclü və sürətli olub. Salon "Bentley Continental GT"də olduğu kimi, möhtəşəm, lakin idman üslubunda hazırlanıb.

Axar.az xəbər verir ki, Britaniyanın möhtəşəm idman avtomobilləri istehsalçısı olan "Bentley" yarış avtomobili "Continental GT3"-ün "GT3-R" modifikasiyasının mülki versiyasını təqdim etdi. Sportkarın yarış üçün nəzərdə tutulmasına baxmayaraq, ümumi istifadə yollarında da istifadə oluna bilər.

4 litrlik 8 silindrli mühərriklə təchiz olunan avtomobil 580 a.g-nə sahib olub. Avtomobil 0-dan 100 km/saata 3,8 saniyəyə sürətlənir və maksimal hərəkət sürəti 273 km/saata bərabərdir.

Oturacaqların başaltılarının üstündəki "GT3-R one of 300 cars" yazısı sportkupenin eksklüziv olduğundan xəbər verir.