Almaniyanın “Di Tagezeytunq” qəzetinin yazarı Volf Vittenfeld “Hüriyyət” qəzetində yerli avtomobillə bağlı yayımlanan karikaturanı tabuta bənzədib.

Axar.az xəbər verir ki, türkiyəli yazar Lətif Dəmirçinin qələmə aldığı karikatura alman həmkarının məzə obyektinə çevrilib.

“Üzəri Türkiyə bayrağı ilə örtülmüş tabut görünüşlü avtomobil. Altında avtomobilin əzdiyi insanların ayaqları görünür”, - deyə Vittenfeld qeyd edib.

Bundan öncə də "Di Veltt" qəzeti yerli avtomobil istehsalının səmərə verməyəcəyi ilə bağlı geniş məqalə dərc etmişdi.

Qeyd edək ki, Ərdoğanın tələbi ilə hərəkətə keçən 5 firma arasında yerli avtomobil istehsalı üçün ilkin müqavilə imzalanıb. Bu nəhəng layihə 2021-ci ildə yekunlaşacaq.