Fransada Yeni il gecəsi 1031 avtomobil yandırılıb.

Axar.az xəbər verir ki, bu barədə Daxili İşlər Nazirliyi məlumat yayıb.

Məlumatda bildirilir ki, yandırılan maşınlar 2012 (1193) və 2013-cü (1067) il Yeni il gecəsindən az, ancaq ötənilkindən (935) çoxdur.

Qeyd olunub ki, yanğınlarla bağlı 510 nəfər saxlanılıb ki, bu da ötənilki ilə (454) müqayisədə 56 nəfər çoxdur.

Qanun pozucularına qarşı mübarizədə 8 polis və 3 hərbçi xəsarət alıb. Ölkə üzrə yeni il gecəsi 140 min polis, hərbçi, jandarm və yanğınsöndürən xidmət aparıb.

Qeyd edək ki, Liverpulda da yüzlərlə maşının saxlandığı dayanacaq Yeni il gecəsi yanıb. Polis bu yanğının təsadüfən baş verdiyini bildirib.