“Samsunq” kompaniyası İspaniyanın Barselona şəhərində yerləşən Beynəlxalq Mobil Konqresdə “Qalaksi S9” və “Qalaksi S9+” smartfonlarını təqdim edib.

Axar.az xəbər verir ki, smartfonlar yeni dizayna görə əvvəlkilərdən fərqlənir.

Belə ki, yeni smartfonların arxa panelindəki elementlər vertikal şəkildə yerləşdirilib.

Barmaq izini müəyyən edən skaner kamera modulunun altında yerləşir və lens çirklənməsi problemini həll edir.

“S9” və “S9+” smartfonlarının ekran diaqonalları 5,8 və 9,2 düym təşkil edir.

Yeni cihazların hər iki versiyası 64 geqabaytlıq daxili yaddaşa malikdir.

Qeyd edək ki, hamının səbrsizliklə gözlədiyi smartfonlar martın 19-dan satışa çıxarılacaq. İlkin satış qiyməti 1000-1100 ABŞ dolları arasında dəyişəcək.