Ulyanovsk avtomovil zavodu (UAZ) hibrid avtomobil istehsal etməyi planlaşdırır.

Axar.az xəbər verir ki, bu barədə UAZ-ın Satış və marketinq üzrə baş direktorun müavini Sergey Travkin danışıb.

“Hibrid avtomobillərdə birdən artıq enerji mənbəyindən istifadə edilir. Bir qayda olaraq biz daxili yanma mühərriki və elektrik mühərrikinin birləşməsindən danışırıq. Hibrid avtomobillərin qiyməti yanacaqla işləyənlər adətən daha baha olur”, - Travkin bildirib.

Travkin həmçinin zavodun propan-butan qazları ilə çalışan sertifikatlaşdırılmış avadanlıqla təchiz edilmiş maşınların satışı üzərində çalışdığını açıqlayıb.

Qeyd edək ki, Ulyanovsk avtomobil zavodu (UAZ) “Hanter”, “Patriot”, “Profi” kimi tamötürücülü yolsuzluq avtomobilləri ilə yanaşı, eyni zamanda yük avtomobilləri və mikroavtobuslar istehsal edir.