Votsapın qurucusu Brayan Ekton Feysbuka olan mövqeyini ictimaiyyətə açıqlamaq qərarına gəlib.

2014-cü ildə Feysbuk Votsapı Yina Kuma və Brayan Ektondan 16 milyard dollara alaraq onları zəngin edib. Kum hələ də Markın şirkətində işləməyə davam edir.

Sputnik xəbər verir ki, sərvəti 6,5 milyard dollar olan Ekton ötən ildən o şirkətdə işləməkdən imtina edib və özünün fondunu yaradıb. O, 50 milyon dolları yeni kommunikasiya kriptoprotokolu olan Siqnalı maliyyələşdirməyə yönəldib.

İndisə Ekton Feysbuka olan mövqeyini ictimaiyyətə açıqlamaq qərarına gəlib.

Bildiyimiz kimi, bu şirkət ətrafında qalmaqal yaşanır. Söhbət Kembric Analitik Şirkəti tərəfindən 50 milyon Feysbuk istifadəçisinin məlumatlarının qeyri-qanuni istifadəsindən gedir. Firma Donald Trampın seçki kampaniyasını internet üzərindən aparıb. Eyni zamanda, britaniyalı Breksit tərəfdarı olan siyasətçilərə soydaşlarını Avropa Birliyindən çıxmaqda inandırmaq məsələsində dəstəkləyib. İndi aydın olub ki, Feysbuk bu barədə məlumatlı olub, iki il ərzində bu qanun pozuntusu haqqında bir qərar verməyib.

Brayan Ekton bu məsələyə Tvitterdə belə bir reaksiya verib: "Artıq zamanı gəlib". O, bu cümləyə "#facebookusil" haştaqını əlavə edib.