Əmlak Məsələləri Dövlət Komitəsi dövlət qurumlarının satmaq istədiyi avtomobillər üçün hərrac təşkil edəcək.

Axar.az xəbər verir ki, 20 iyun tarixinə müəyyənləşdirilən hərraca ümumilikdə 9 avtomobil çıxarılıb. Hərraca Nazirlər Kabineti və Milli Məclisin 1, Baş Prokurorluğun 2, Daxili İşlər Nazirliyinin isə 5 avtomobili təqdim edilib.

Hərracın ən yüksək qiymətə təqdim edilən avtomobili Nazirlər Kabineti Aparatının İşlər İdarəsinə məxsus 2006-cı ilin “BMV 730” markalı avtomobilidir ki, onun üçün ilkin satış qiyməti 28.000 manat müəyyənləşdirilib. Avtomobil bununla ikinci dəfədir ki, hərraca çıxarılır.

Ən ucuz qiymətə təqdim edilən avtomobil isə Baş Prokurorluğun 2003-cü ilin VAZ-21213 avtomobilidir. Avtomobil üçün start qiyməti 1300 manatdır.