18:39

Azərbaycan Avtomobil Federasiyasının (AAF) təşkilatçılığı ilə Bakıda təşkil olunmuş klassik avtomobillərin yürüşü başa çatıb.

Axar.az xəbər verir ki, yürüşdə 1980-ci ilədək istehsal olunmuş klassik avtomobillər yer alıb.

Heydər Əliyev Mərkəzinin qarşısından start götürən klassik avtomobillər şəhərin mərkəzi küçələri ilə hərəkət edib, daha sonra isə sərgilənib.

Qeyd edək ki, retro maşınların yürüşündən sonra konsert keçiriləcək.

***

Heydər Əliyev Mərkəzinin qarşısında konsert proqramı artıq başlayıb.

***

Heydər Əliyev Mərkəzinin parkında təşkil edilən “Ulduzlar bir arada” adlı konsert proqramı başa çatıb.

Konsertdə xalq artistləri Ayğün Kazımova, Zülfiyyə Xanbabayeva, Faiq Ağayev, əməkdar artistlər Röya, Manana Caparidze, Tünzalə Ağayeva, Ədalət Şükürov, Miri Yusif, tanınmış ifaçılar ABD Malik, Rauf və Murad Arif iştirak ediblər.