2018-ci ilin ən yaxşı avtomobillərinin siyahısı təqdim olunub.

Axar.az xəbər verir ki, siyahını “JD Pover” araşdırma şirkətinin ekspertləri hazırlayıb.

Milyondan artıq avtomobil sahibinin məlumatlarını təhlil edən ekspertlər araşdırma çərçivəsində 600 avtomobil modelini yoxlayıblar. Avtomobillər yüz ballıq şkala əsasında qiymətləndirilib. Bundan əlavə avtomobilin keyfiyyəti, etibarlılığı, dizaynı, dinamik xarakteristikası, avtomobil sahiblərinin fikirləri və nəqliyyat vasitəsinin layiq görüldüyü bir sıra mükafatlar nəzərə alınıb.

Reytinqə 13 avtomobil daxil olub. Maksimal göstərici 94 balla “Porşe 911” avtomobilində olub. İkinci pillədə “Genesis G90” (93 bal), ilk üçlüyün son pilləsində isə “Mersedes Benz S-Klass” (92 bal) avtomobili yer alıb.