"3-7 oktyabrda gücləndirilmiş iş rejimində çalışacağıq".

Bu sözləri Axar.az-a Azərbaycan Dəmir Yolları QSC-nin mətbuat xidmətinin rəhbəri Nadir Əzməmmədov deyib. Onun sözlərinə görə, bütün işlər artıq tamamlanmaq üzrədir:

"Hazırda əlavə qoşqu üçün nəzərdə tutulmuş vaqonların texniki baxışı və hazırlığı aparılır. 3-7 oktyabr tarixlərində gücləndirilmiş iş rejimidə çalışacağıq. Məqsəd bayram günlərində sərnişin axınını təmin etməkdir".

Ən çox sıxlığın hər zaman olduğu kimi qərb istiqamətində olduğunu deyən qurum rəsmisi əlavə olaraq qatarlara 20 vaqon qoşulacağını bildirib:

"Gücləndirilmiş rejim zamanı yüklərin yükləndiyi və boşaldıldığı bütün məntəqələrdə növbətçiliklər təşkil olunacaq. Sərnişin sıxlığını nəzərə alaraq qatarlara əlavə olaraq 20 vaqon qoşmağı planlaşdırırıq."