Yuxarı

BNA parkinq xaosuna niyə son vermir? - Ekspert

Ana səhifə Avto
12 Punto 14 Punto 16 Punto 18 Punto

Prezident İlham Əliyevin 7 iyul tarixində imzaladığı fərmanla dayanma və durmanın qadağan edildiyi yerlərdə inzibati xəta törədilməsinə görə elektron protokolların tərtib edilməsi Bakı Nəqliyyat Agentliyinə verildi. Bununla sözügedən istiqamətdə mövcud olan nöqsanların aradan qaldırılması nəzərdə tutulsa da, gözlənilən olmadı. 4 aydır BNA-nın səlahiyyətində olan dayanma, durma və parklanma işində özbaşınalıq hökm sürür. Qanunsuz olaraq sürücülərə hədə-qorxu gəlinərək cərimələr yazılır.

Axar.az xəbər verir ki, bu sözləri Bakı şəhərində yaşanan parklanma problemini şərh edən hüquqşünas Ərşad Hüseynov deyib. O bildirib ki, Bakı şəhərində parklanma ilə bağlı ciddi problemlər, pərakəndəlik və özbaşınalıq var.

Hüquqşünas qeyd edib ki, küçələrdə park nəzarətçisi kimi gördüyümüz adamların kimliyi, hansı qurumu təmsil etdiyi aydın deyil, çünki parklanma yerləri bu Agentliyə təhvil verilməyib:

“Hazırda Bakıda parklanma yerlərinin təşkili və idarə edilməsi səlahiyyəti BNA-ya məxsusdur. Ancaq parklanma yerlərinin aydın hüquqi statusu yoxdur. Onların siyahısı, təşkili barədə səlahiyyətli qurumun qərarı, tutumu (park yerlərinin sayı) bəlli deyil. Parklanmaya görə ödənişin məbləği də müəyyən edilməyib. Sürücülərdən tələb olunan və alınan pullar hamısı qanunsuzdur, hara getdiyi aydın deyil”.

Hüquqşünas bildirib ki, ödəniş etməməyə görə cərimə tələbi digər tərkib əlamətləri də olduqda cinayət sayıla bilər:

“Belə halla rastlaşanda dərhal polisin təhqiqat və istintaq bölmələrinə (DYP-yə yox) müraciət edin.

Ayrıca qeyd etmək istəyirəm ki, bu xaosa son qoyulması da çox gecikir. Parklanma yerlərinin BNA-ya təhvil verilməsi müddəti bir neçə ay əvvəl bitsə də, bu, hələ ki, baş verməyib. Təcili olaraq bu iş yekunlaşdırılmalı, qanunvericiliyə uyğun ödəniş qiymətləri və şərtləri də rəsmən təsdiqlənməklə normal parklanma təsərrüfatı yaradılmlıdır”.

Tarix
2018.11.06 / 14:21
Müəllif
Nigar İxtiyarqızı
Şərhlər
Digər xəbərlər

Yeni Kaledoniyada Azərbaycan bayrağı qaldırıldı

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

İrəvan Fransanın oyunlarına getməməlidir! - İcma

Paşinyan separatçıları hədələdi: Bir hakimiyyət var!

Bu, Fransanı ciddi narahat edir - Nağıyev

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla