“Volksvagen” konserni yaxın 5 ildə yeni texnologiyaların işlənməsi üçün 44 milyard avro vəsait xərcləyəcək.

Axar.az xəbər verir ki, bu barədə “Blumberq” agentliyi məlumat yayıb.

Bildirilib ki, 44 milyardlıq vəsaitlə konsern yeni pilotsuz aparatlar və elektromobillər hazırlamaq niyyətindədir. Şirkət 2025-ci ilə qədər 50 model elektromobil istehsal etməyi planlaşdırıb. 2019-cu ildə şirkətin “Porşe” və “Audi” brendlərinin elektromobillərini buraxacağı açıqlanıb.

Konsernin yeni texnologiyalara yatıracağı investisiya onun bütün kapital xərcləmələrinin üçdə birini təşkil edəcək. “Volksvagen”in belə qərar qəbul etməsinə səbəb kimi “Tesla”nın avtomobillərinə dünyada tələbatın artması göstərilib.