Dövlət nəfinə müsadirə edilmiş əşya və əmlaklar dəyər-dəyməzinə hərraca çıxarılıb.

Axar.az xəbər verir ki, 19 fevral tarixində keçirilməsi gözlənilən hərraca müsadirə edilmiş mobil telefonlar satılacaq. Hərracda hər markadan müxtəlif mobil avadanlıqlar yer alıb. Əksəriyyətinin qiyməti isə olduqca aşağı təqdim edilib.

Belə ki, hərraca ümumilikdə 6 müsadirə edilmiş mobil avadanlıq çıxarılıb. Onlardan beşi mobil telefon, biri isə noutbukdur.

"Samsung Duas GT-E1202I" və "Nokia 105" markalı mobil telefonlar cəmi 5 manata, "BlackBerry 9105" markalı mobil telefon 10 manata, "Samsunq SM-G130H " markalı mobil telefon 6 manata, "Samsung GT-C3011" markalı mobil telefon isə 15 manata hərraca təqdim edilib.

Hərraca ən yüksək qiymətə təqdim edilən texnika isə "Acer" markalı noutbukdur ki, onun üçün də müəyyən edilmiş ilkin satış qiyməti 200 manatdır.