Çexiyanın “Skoda” avtomobil şirkəti Azərbaycanda elektrobus istehsalı imkanlarını nəzərdən keçirir.

Axar.az xəbər verir ki, bu barədə Trend-ə avtomobil bazarındakı mənbə məlumat verib.

Məlumata əsasən, hazırda “Skoda” Azərbaycanda bu layihənin reallaşdırılması üçün tərəfdaşlar axtarır:

“Şirkət ölkədə tərəfdaşların tapılmasında kömək göstərməsi üçün Azərbaycan hökumətinə müraciət edib”.

Qeyd edək ki, Gəncə Avtomobil Zavodunda Belarus elektrobusları, avtobusları və kombaynlarının istehsalı başlanılacaq. Bununla bağlı artıq Gəncə Avtomobil Zavodu ilə Minsk Avtomobil Zavodu arasında müqavilə imzalanıb.