Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
28 Yanvar 2020


Gəncədə idman maşınları şou göstərdi

Ana səhifə Avto
12 Punto 14 Punto 16 Punto 18 Punto

Sentyabrın 29-da Gəncə şəhərində Azərbaycan Avtomobil Federasiyasının (AAF) təşkilatçılığı və “Regional İnkişaf” İctimai Birliyinin dəstəyi ilə “V1 Challenge Gəncə” - idman avtomobillərinin yarışı və şousu keçirilib.

Axar.az xəbər verir ki, Heydər Əliyev Park Kompleksi ərazisində 20 mindən çox tamaşaçının izlədiyi yarış həyacan dolu anlar, maraqlı tryuklarla yadda qalıb.

“V1 Challange Gəncə” yarışında” “Volkicar”lar, kartinq və drift avtomobilləri, sportkarlar iştirak edib.

Tədbirdə tanınmış pilotlar – “Drift GP International” promouteri Neyl Qan (Niall Gunn), drift üzrə Almaniya çempionu Sebastian Fonteyn (Sebastian Fontijn), “Drift All Stars European Series” yarışlarının qalibi Martin Riçards (Martin Richards), “Drift GP International” yarışlarının texniki direktoru Antanas Kiquolis (Antanas Kyguolis), eləcə də yerli drift və “Volkicar” pilotları çıxış ediblər.

Avtoidman həvəskarları üçün “Volkicar”, drift və idman avtomobillərinin yürüşü, “Volkicar”ların yarışı, “Volkicar” və sportkarla “burnout”, drift şouları təqdim olunub.

Tamaşaçılar arasında avtomobil idmanı və yol hərəkəti təhlükəsizliyi mövsuzunda viktorina da keçirilib, fəal iştirakçılar mükafatlandırılıb.

Viktorina başa çatdıqdan sonra “Volkicar” avtomobillərinin yarışı keçirilib.

Drift yarışları üzrə pilotlar Elvin Xudayarov birinci yerin, Adil Axundov ikinci, Fəxri Gülməmmədov isə üçüncü yerin qalibi olub.

V1 Challange yarışında isə pilotlar Fərid Məmmədov birinci, Azad Hüseynov ikinci, Mətin Orucov isə üçüncü yerə sahib olub.

Sonda qaliblərə kuboklar təqdim olunub.

1-ci yerin qalibi Fərid Məmmədov: Sevindirici haldır ki, ilk dəfə Gəncə şəhərində idman avtomobillərinin yarışı keçirilir. Bu cür yarışların keçirilməsi avtomobil idmanı mədəniyyətinin yüksəlməsi və yollarda avtoxuliqanlıq, eləcə də qəzaların sayının azalması üçün əhəmiyyətlidir. Tamaşaçıların alqışları göstərdi ki, Gəncədə də avtomobil idmanına böyük maraq var. Son dövrədə azarkeşlər öz alqışları ilə mənə böyük dəstək oldular və mən birinci oldum. Bizim yarışı böyük həyəcanla sonadək izlədiklərinə görə driftsevərlərə minnətdarlığımı bildirirəm.

2-ci yerin qalibi Azad Hüseynov: Sevdiyim idmanla məşğul olduğuma görə bu cür yarışlara böyük həvəslə qatılıram. Bütün yarışlarda olduğu kimi bu dəfə də çox həyəcanlı idim. Bununla belə gəncəli azarkeşlərin dəstəyini hiss etdim və 2-ci yerin qalibi oldum. İlk dəfə Gəncədə keçirilən bu yarış yüksək səviyyədə təşkil olunub. Belə yarışların bir daha Gəncədə keçirilməsini arzu edirəm. Gələcəkdə də bu cür yarışlar Gəncə şəhərində təşkil olunarsa bir pilot kimi mütləq iştirak edəcəyəm.

3-cü yerin qalibi Mətin Orucov: Böyük fəxr hissi keçirirəm ki, Gəncədə yarışdım və 3-cü yerin qalibi oldum. Ümidvaram ki, gələcəkdə Avropada keçirilən yarışlarda da qalib olacağıq.

Qeyd edək ki, sentyabrın 30-dan Azərbaycan Avtomobil Federasiyası tərəfindən Gəncədə Yol Hərəkəti Təhlükəsizliyi həftəsi də keçirilir. Bu tədbirlər çərşivəsində “Yollarda təhlükəsiz davranışı həyat tərzinə çevirək” adlı konfrans və Gəncənin bir sıra ümumtəhsil məktəblərində yol hərəkəti təhlükəsiyinə həsr olunan təlimlər təşkil olunacaq.

Konfrans və təlimləri AAF-ın yol hərəkəti təhlükəsizliyi üzrə məsləhətçiləri Əlləz Əliyev, Ərşad Hüseynov və Sahib Əsgərov aparacaq. İştirakçılara yol hərəkəti təhlükəsizliyi, o cümlədən yol nişanları, işıqfor, piyada keçidi və digər istiqamətlər üzrə məlumatlar veriləcək.

Tarix
2019.09.30 / 14:35
Müəllif
Axar.az
Şərhlər
Digər xəbərlər

Diqqət: Bakıda bu işıqforların iş rejimi dəyişdirildi

“Subaru” da benzinlə işləyən maşınlarla vidalaşır

Uçan taksilər dövrü gəlir

Bakıya 7 milyonluq maşın gəldi: kimin üçün? - Foto

Dünyada ilk dəfə: Elə bir noutbuk yaradıldı ki...

Hava kəskin soyuyur: Polis xəbərdarlıq etdi

2020-ci ildə Votsapa hansı özəlliklər gəlir?

Votsap bu smartfonlarda fəaliyyətini dayandırır

Türkiyənin ilk yerli avtomobili saxtadır? - Şok açıqlama

Ərdoğan sürdü, ABŞ sənətçisi sifariş verdi

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla