ABŞ Milli Nəqliyyat Təhlükəsizliyi Təşkilatı lazımi qurumlara statistik hesabatı vermədiyinə görə "Honda" avtomobil şirkətini 70 milyon dollar cərimələyib.

Axar.az Türkiyə mətbuatına istinadən xəbər verir ki, cərimə 2003-2014-cü illər arası "Honda" avtomobilləri ilə baş verən qəzalar və bu qəzalarda ölən, yaralanan insanlarının sayının rəsmi qurumlara bildirilməməsinə görə tətbiq olunub.

Qeyd edək ki, ABŞ-da 14 il əvvəl qəbul olunan qanuna görə, bütün avtomobil istehsalçısı olan şirkətlər illik hesabatı ABŞ Nəqliyyat Nazirliyi nəzdində fəaliyyət göstərən Nəqliyyat Təhlükəsizliyi Qurumuna təqdim etməlidir.