12:10

Formula 1 Azərbaycan Qran-Prisinin təxirə salınması nəzərdə tutulmur.

Bu barədə Axar.az-ın sorğusuna cavab olaraq Bakı Şəhər Halqası Əməliyyat Komitəsindən bildirilib. Əməliyyat Komitəsindən qeyd edilib ki, hələlik Formula 1 Azərbaycan Qran-Prisinin təxirə salınması müzakirə olunmur:

“Qran-Pri Bakıda 5-7 iyun tarixlərində keçiriləcək. Əgər təxirə salınma ilə bağlı hər hansı qərar olarsa, əlavə açıqlama yayılacaq”.

Xatırladaq ki, martın 13-15-də keçirilməsi planlaşdırılan Formula 1 Avstraliya Qran-Prisi koronavirus pandemiyasına görə təxirə salınıb. Bir müddət əvvəl də Formula 1 Çin Qran-Prisi təxirə salınmışdı.

Həmçnin Bəhreyndəki yürüşlər azarkeşsiz keçiriləcək.

Vyetnam Qran-Prisinin təşkili isə sual altındadır.

***

Gənclər və İdman Nazirliyi koronavirusla bağlı vaxtında qabaqlayıcı tədbirlər görülməsi məqsədi ilə tabeliyində olan Olimpiya İdman Komplekslərinin və digər idman müəssisə və qurğularının fəaliyyətini müvəqqəti dayandırıb.

Bu barədə Axar.az-a qurumun Mətbuat xidmətindən məlumat verilib.

Bildirilib ki, bununla yanaşı, Bakıda keçirilməsi nəzərdə tutulan cüdo idman növü üzrə Böyük Dəbilqə turniri, karate idman növü üzrə böyüklər arasında Avropa Çempionatı və Formula 1 Azərbaycan Qran-prisinin təxirə salınması ilə bağlı müzakirələr aparılır.

Qeyd edək ki, respublika çempionatları və ölkə birinciliklərinin keçirilməsi də təxirə salınıb.