Əmək və Əhalinin Sosial Müdafiəsi Nazirliyi Neftçala Sənaye Məhəlləsində fəaliyyət göstərən Azərmaş MMC-dən 164 ədəd "Xəzər LX" (Khazar LX) markalı minik avtomobili alacaq.

Axar.az Report-a istinadən xəbər verir ki, nazirlik buna görə 1 999 980 manat ödəniş edəcək.

Başqa sözlə, hər avtomobil quruma 12 195 manata başa gələcək.

ƏƏSMN-nin mətbuat xidmətinin rəhbəri Fazil Talıblı bildirib ki, avtomobillər ölkə prezidentinin ayırdığı vəsait hesabına alınır. Onlar Qarabağ müharibəsi əlillərinə və onlara bərabər tutulan şəxslərə təqdim ediləcək.