ABŞ-ın avtomobil istehsalçısı “General Motors” (GM) batareyalarındakı yanğın təhlükəsi səbəbiylə təxminən 69 min “Şevrolet Bolt” markalı elektrikli avtomobilini geri çağırır.

Axar.az Report-a istinadla xəbər verir ki, “General Motors” və “Şevrolet” Koreyadakı “LG Chem” zavodunda istehsal olunan yüksək gərginlikli batareyalı, 2017-2019-cu il istehsalı “Chevrolet Bolt” avtomobillərini könüllü olaraq geri qaytarmaq qərarına gəliblər. Belə ki, batareyalar tamamilə dolduqda yanğın təhlükəsi yarada bilər.

Artıq akkumulyatorda baş verən nasazlıq səbəbindən beş yanğın hadisəsi qeydə alınıb. Onlardan üçü oktyabr ayında baş verib. Bu hadisələr nəticəsində iki nəfər yüngül xəsarət alıb.