İtaliya-Amerika avtomobil konserni “Fiat Kraysler” ilə Fransanın “PSA Qrup” şirkəti arasında birləşmək barədə razılıq əldə edilib.

Axar.az xəbər verir ki, bu məlumatı “Blumberq” agentliyi yayıb. Məlumata görə, bu birləşmə sayəsində dünyanın dördüncü ən böyük avtomobil istehsalçısı yaranmış olacaq. Razılaşmanın martın sonuna bitəcəyi gözlənilir.

Qeyd edək ki, bu birləşməyə PSA-nın baş direktoru Karlos Tavares rəhbərlik edəcək. Nəticədə yeni şirkətin bazar dəyəri 54 milyard dollar olacaq. Yeni avtokonsern “Cip”, “Fiat”, “Dodge”, “Mazeratti”, “Pejo”, “Sitroen” və “Opel” brendlərini istehsal edəcək.