Ana səhifə Avto |
Əpl (Apple) şirkəti Afyon-12 modelinin ürəklə bağlı problem olan insanlara zərər verə biləcəyini etiraf edib.
Axar.az xəbər verir ki, bu barədə şirkətin rəsmi saytında məlumat yerləşdirilib.
Bildirilib ki, Ayfon-12-yə köhnə modellərə nisbətən daha çox maqnit yerləşdirilib. Yaxın təmasda bu maqnitlər kardiostimulator və defibritlatorlara qarşılıqlı təsir göstərə bilər. Bu səbəbdən cihazı kabelsiz enerjiyə qoşarkən 15-30 sm məsafadə saxlamaq tövsiyə olunur.
Bundan əlavə, şirkət rəsmiləri Ayfon-12 istifadə etməzdən əvvəl həkim, səhiyyə işçisi ilə məsləhətləşməyi də vacib hesab edir:
“Əgər siz Ayfon və Mayseyfin (Magsafe) sizin tibbi cihazınıza maneə yaratdığını hiss edirsinizsə, o zaman Ayfon və Maqseyfdən imtina edin”.
Qeyd edək ki, Əpl şirkəti 2020-ci ildə Ayfon-12 və onun naqilsiz enerji aksessuarı Maqseyfi satışa təqdim edib.
Tarix
2021.01.27 / 01:05
|
Müəllif
Kamran Ədalət
|