Əpl (Apple) şirkətinin ilk elektromobili “Əpl Kar” “Hunday Motor”un “Elektrik Global Modular Platform” (E-GMP) platformuna əsasən istehsal olunacaq.

Axar.az Fins.az-a istinadən xəbər verir ki, bu barədə “TF İnternational Securities”in eksperti Minq-Çi Kuo məlumat yayıb.

Belə ki, dekabr ayında açıqlanmış “E-GMP” iki motorla təchiz edilib və birdəfəlik tam doldurma ilə 500 km məsafə qət etmək iqtidarındadır. 18 dəqiqəyə 80 faizlik doldurula bilən batareyalara sahib olan “E-GMP” 3,5 saniyə ərzində 60 mil/saat sürəti toplamaqla maksimum 160 mil/saat (250 km/saat) sürətə malikdir. Əpl isə pilotsuz idarəetmə üçün müvafiq avadanlıq və proqram təminatı hazırlayacaq.

KİA şirkətinin ABŞ-dakı müəssisəsində 2024-cü ildən buraxılması güman edilən “Əpl Car”dan 2025-ci ilədək 1 milyonadək istehsal olunması nəzərdə tutulur.

Əpl, həmçinin ABŞ-ın GMC və Avropanın PSA kimi nüfuzlu avtomobil istehsalçıları ilə də əməkdaşlıq etməyi düşünür.