Texnologiya nəhəngi Quql San-Fransisko şəhərində təşkil edilən "Google I/O 2015" tədbirində Yutub və Quql Məpsin bundan sonra oflayn istifadə edilə biləcəyini açıqlayıb.

Axar.az xəbər verir ki, bu barədə "ensonhaber.com" portalı məlumat yayıb. Yutubda videonun oflayn istifadə edilməsi üçün öncə istifadəçi internetə qoşularkən videonu seyr etməlidir. Yalnız bundan sonra eyni videonu 2 gün ərzində internetə bağlı olmadan oflayn seyr etmək mümkün olacaq.

Quql Məpsdə də istifadəçilər internetə qoşulu olarkən etdikləri axtarışı 2 gün ərzində internet olmadan aktiv istifadə edə biləcək.

Bu xidmətin istifadəsinə bu ilin sonundan başlanılacaq.