Yaponiyanın avtomobil istehsalçısı “Nissan” elektrik və hibrid avtomobillərin inkişafı layihələrinə 17,5 milyard dollardan çox sərmayə qoymağı planlaşdırır.

Axar.az xəbər verir ki, bu barədə şirkət məlumat yayıb.

Avtomobil istehsalçısı 2026-cı ilə qədər hibrid avtomobillər də daxil olmaqla, elektromobillərin payını Yaponiyada satışların 55%-nə, Avropada isə 75%-ə çatdırmağı hədəfləyir. 2030-cu ilə qədər elektrik avtomobillərinin payı şirkətin bütünlükdə satışlarının 50%-nə çatmalıdır.

“Nissan”, həmçinin 2028-ci ilə qədər yeni nəsil bərk cisim akkumulyatoru ilə təchiz edilmiş elektromobil buraxmaq niyyətindədir.