Amerikalı təyyarə istehsalçısı “Joby Aviation” Yaponiyanın ANA aviaşirkəti ilə birgə Yaponiyada uçan taksi istehsal edəcək. Avtomobil istehsalçısı "Toyota Motor Corporation" yeni nəqliyyat növünü yerüstü nəqliyyatla "sinxronlaşdırmaq" üçün onlarla əməkdaşlıq edəcək və eyni zamanda “Joby”nin investorlarından biri kimi çıxış edəcək.

Axar.az xəbər verir ki, bu barədə “TechCrunch” məlumat yayıb.

Sərnişinlər “Joby Aviation” tərəfindən yaradılmış və dörd nəfərə qədər sərnişin tutumu olan elektrik təyyarəsi ilə daşınacaq. Digər təfərrüat açıqlanmayıb, lakin layihənin tərtibatçıları onun "inqilabi" olacağına əmindirlər․

Hazırda layihənin müəllifləri infrastruktur, pilot təlimi və normativ baza ilə bağlı məsələlərlə məşğuldurlar.