Çin alimləri dünyada ilk dəfə olaraq çoşqaları (donuz balası) klonlaşdırmaq üçün robotdan istifadə edib.

Axar.az xəbər verir ki, Nankay Universitetinin alimləri robot vasitəsilə çoşqaları tamamilə klonlaşdırıblar.

Çinin Nankay Universitetinin saytında yerləşdirilən press-relizdə ilk yeddi çoşqanın artıq doğulduğu bildirilib.

“Klonlaşdırma prosesinin hər addımı avtomatlaşdırıldı və klonlama əməliyyatlarında insan iştirak etmədi”, - deyə tədqiqat qrupunun üzvü Liu Yaove bildirib.

Liu Yaovenin sözlərinə görə, robotların köməyi ilə klonlaşdırma ümumilikdə uğur qazanma ehtimalını artırır, çünki robotlar daha dəqiqdir və hüceyrələrə daha az ziyan vurur.