Çində polislə taksi sürücüsü arasında gərgin anlar yaşanıb.

Axar.az xəbər verir ki, yol hərəkət qaydalarını pozan gənc yol polisinin "saxla" əmrinə məhəl qoymayaraq aradan çıxmağa çalışıb.

Dərhal hərəkətə keçən təhlükəsizlik əməkdaşları avtomobili təqib etməyə başlayıb.

Nəticədə bir neçə dəfə qəza törədən şəxs digər avtomobilləri və bir motosikleti əzib. Polislər maşının şüşələrini sındıraraq sürücünü zərərsizləşdirmək istəsə də, buna nail ola bilməyiblər. Əsəblərinə hakim ola bilməyən gənc maşını onların üzərinə sürüb. Nəticədə 4 polis yaralanıb.

Atv.az-ın məlumatına görə, bir neçə saat davam edən təqibdən sonra, nəhayət, taksi sürücüsünü yaxalamaq mümkün olub. Polis nəzarətinə götürülən şəxsin neçə il çəza alacağına məhkəmə qərar verəcək.