Son günlər avtobus sürücülərinin səbəb olduğu qəzaların sayında ciddi artım müşahidə olunur.

Axar.az xəbər verir ki, yüksək sürətlə hərəkət edən, yol-hərəkət qaydalarını kobud şəkildə pozan avtobus sürücüləri bir neçə insanın həyatına son qoyub.

Ekspert Ərşad Hüseynov xəzər xəbər-ə açıqlamasında avtobuslarda maaş sisteminə keçilməyənə qədər bu cür halların davam edəcəyini deyib. Onun sözlərinə görə, marşutlara daxili nəzarət yox səviyyəsindədir.

"Marşutlara nəzarətdə yeni mexanizmlərin tətbiq olunması üçün Bakı Nəqliyyat Agentliyi yaradılıb. Ancaq bu qurumun hələ fəaliyyətə tam şəkildə başlamaması da ictimai nəqliyyatda hərc-mərcliyin davam etməsinə səbəb olur".