Əfsanəvi rusiyalı UFC döyüşçüsü Həbib Nurməhəmmədovun adına olan “Mersedes Benz AMG-GT” markalı avromobil 16 milyon rubla təcili satışa çıxarılıb.

Axar.az xəbər verir ki, bu barədə “Maş” Teleqram kanalı məlumat yayıb.

Kanalın məlumatına görə, idmançı 2022-ci ildə həmin avtomobili öz pərəstişkarına satsa da, alıcı sənəd problemi səbəbindən onu adına keçirə bilməyib. Və həmin vaxtdan da avtomobil qarajda qalıb.

Bildirilib ki, iyulun 5-də Rusiyanın Federal Vergi Xidməti ödəmədiyi vergilərə görə Nurməhəmmədovun hesablarına həbs qoyub. İcraçıların avtomobili də alacaqlarından qorxan sahibi öncə 20, daha sonra 16 milyon rubla satışa çıxarıb.

O, hətta avtomobili Mahaçqalada 3 otaqlı və ya Moskvada 1 otaqlı evə də dəyişdirməyə razı olduğunu deyib.