TSMC-nin qarşıdan gələn mobil çiplərin istehsalında 2 nanometrlik texnoloji prosessora keçidi ilə əlaqədar analitiklər flaqman smartfonların qiymətlərində artım gözləyirlər.

Axar.az Publika.az-a istinadən xəbər verir ki, bu barədə iXBT CTEE məlumat yayıb.

Qeyd olunub ki, N2 prosessorundan istifadə edilməklə istehsal olunan 300 mm-lik plataların qiyməti 30 min dolları keçəcək. Əvvəllər ən böyük müqavilə istehsalçısının bir plata üçün qiyməti təxminən 25 min dollar təyin edəcəyi proqnozlaşdırılırdı.

N3 platasının hazırkı dəyəri 18,5 min dollardan çoxdur. Beləliklə, N2 platasının qiyməti bu gün təxminən 15 min dollara başa gələn N4/N5 platalarından iki dəfə baha olacaq.

Bu dəyişikliklər yeni texnoloji prosesi ilk mənimsəyən flaqman çipsetlərin qiymətinin növbəti dəfə artmasına səbəb olacaq. Lakin bu keçid tezliklə baş verməyəcək. Təxmin edilir ki, hətta Əpl 2026-cı ilə qədər 2nm çiplərini təqdim edə bilməyəcək.

Hazırda aparıcı android smartfonları 4nm çiplər təklif edir, Əpl cihazları isə 3nm proses texnologiyasını mənimsəyiblər.