Amerika texnologiya nəhəngi Əpl Nyu Yorkda keçirilən məhkəmədə narkotik qaçaqmalçısı Jun Fenqə aid Ayfon telefonunun şifrəsinin qırılması üçün Ədliyyə Nazirliyinin tələbini rədd edib.

Axar.az xəbər verir ki, şirkətdən verilən açıqlamada ABŞ hökumətinin Nyu Yorkdakı məhkəmədə Əplin köməyinin lazım olduğunu sübut etmədiyi və Fenqə aid telefondan məlumatları çıxarmaq üçün nazirliyin bütün vasitələrdən yararlanmadığı bildirilib.

Qeyd edək ki, Əpl şirkəti San Bernardino şəhərində terror aksiyası keçirən Seyid Rıdvan Faruka aid Ayfonun şifrəsinin qırılması məqsədilə Federal Təhqiqatlar Bürosunun da (FTB) tələbini rədd etmişdi.