Xalq artisti Emin Ağalarov bahalı və lüks avtomobilini satışa çıxarıb.

Axar.az Yenisabah.az-a istinadla xəbər verir ki, bu barədə o, sosial şəbəkə hesabında paylaşıb.

Müğənni “Rolls Roys Spektr” markalı avtomobilini 400 000 dollara (təxmini 680 000 manat) təklif edir.

Sosial şəbəkədə paylaşdığı görüntülərdə Ağalarov sükan arxasına əyləşərək sözügedən avtomobili testdən keçirib və onun fərqli xüsusiyyətlərinə, keyfiyyətli məqamlarına toxunub.

“Sehrli xalça uçuşu” ilə müqayisə edilən Ağalarovun sahib olduğu avtomobil “Rolls Roys” "Motor Kars" tərəfindən istehsal edilən ən güclü avtomobildir.

Qeyd edək ki, 2020-ci ildən bəri “Rolls-Roys” satışları 17% artırıb.