Sentyabrda təqdim ediləcəyi gözlənilən Ayfon 7 ilə bağlı daha bir neçə yenilik bəlli olub. "Əpl" məhsullarını səbirlizliklə gözləyənlər bu il yeni smartfona qovuşa biləcəklər. Müntəzəm olaraq yenilik haqqında məlumatlar, fotolar internetə sızdırılır.

ANS məlumat verir ki, telefonun dizaynı ilə bağlı yayılan məlumatlar hələ dəqiqləşməyib. Yeni smartfon, demək olar ki, Ayfon 6s ilə eyni görünüşə sahib olacaq.

Telefonun paylaşılan arxa görünütüsünə əsaslansaq, onun 4.7 düymlük olduğunu da demək olar. İddiaya görə, yeniliyin 4 mikrofonu olacaq. Bunun sayəsində artıq telefonda video izləmək, musiqi dinləmək daha sərfəli olacaq. Bu mikrofonlar səs keyfiyyətini əhəmiyyətli dərəcədə artıracaq.

İlkin məlumata görə, ön kamerada dəyişiklik olmayacaq. Lakin arxa kameranın ölçüləri müsbətə doğru dəyişəcək. İnternetə sızan görüntülərdə yeniliyin kamerasının çıxıntılı olduğu görünür. Bu isə onun daha keyfiyyətli foto və video çəkilişə imkan verəcəyindən xəbər verir.

"Əpl"ın üzərində çalışdığı yeni Ayfon 7 nin ən böyük dəyişikliyindən biri də onun su keçirməyən bir sistemə sahib olmasıdır.