Tədqiqatlar göstərir ki, yeni istehsal prosesi sayəsində elektrikli avtomobillər soyuq havada 500% daha sürətli enerji doldura bilir.

Axar.az xəbər verir ki, bu barədə “Joule” jurnalı məlumat yayıb.

Alimlər mənfi 10 dərəcə temperaturda litium-ion batareyaların konstruksiyasını və doldurulma zamanı baş verən kimyəvi reaksiyaları dəyişdirərək, onların doldurulma sürətini əhəmiyyətli dərəcədə yaxşılaşdırıb:

“Aşağı temperaturlar doldurma sürətini məhdudlaşdırır və şarj zamanı baş verən kimyəvi proseslər səbəbindən ümumi enerji səmərəliliyini azaldır. Batareyalar maye elektrolit məhlulunda iki elektrod plitələr arasında litium ionlarını hərəkət etdirərək işləyir. Bu proses daha yüksək temperaturda təsirli olur, lakin soyuq şəraitdə maye elektrolit qalınlaşır, elektrik cərəyanını azaldır və bununla da enerji yüklənmə müddətini artırır”.