Azərbaycan Ukrayna ilə təyyarə quruculuğu sferasında əməkdaşlığı genişləndirmək istəyir.

Axar.az xəbər verir ki, bunu Kiyevdə jurnalistlərə açıqlamasında AZAL-ın prezidenti Cahangir Əsgərov söyləyib. Onun sözlərinə görə, Azərbaycan An-178 təyyarələrin öz ərazisində yığılmasında maraqlıdır.

O, bu məsələyə hökumət səviyyəsində baxıldığını bildirib.

"Antonov" dövlət şirkətinin prezidenti Mixail Qvozdev isə Azərbaycanla əməkdaşlığın genişləndirilməsi An-178 texnologiyalarının xarici tərəfdaşlara satılması anlamına gəlmədiyini deyib. O, yalnız təyyarənin yekun yığılışının Azərbaycan ərazisində həyata keçiriləcəyini vurğulayıb.