Rusiya Federasiyası Prezidenti Vladimir Putin Rusiya televiziya kanallarını vacib idman tədbirlərini, xüsusilə Bakıda keçiriləcək I Avropa Oyunları ilə bağlı məlumatları kifayət qədər işıqlandırmadıqları üçün tənqid edib.

Trend xəbər verir ki, V.Putin İdman Şurasının iclasında bildirib:

"Bu necə ola bilər? Rusiya Olimpiya Komitəsinin prezidenti Aleksandr Jukov mənə məlumat verib ki, dünya səviyyəli idman hadisəsini - Bakıda keçiriləcək I Avropa Oyunlarını bizim kütləvi informasiya vasitələrindən, kanallardan heç biri işıqlandırmaq istəmir. Başa düşürəm ki, bu günki büdcə ilə əlaqədar olaraq məhdudiyyətlər var… Ancaq elə şeylər var ki, onlar vacibdir, bu dünya idman hadisəsidir - tarixdə ilk dəfə Avropa olimpiya oyunları keçirilir. Bəzi prioritetləri müəyyənləşdirmək lazımdır. Görünür, idmanın bu günki təşkilati sistemində informasiya təminatı yüksək səviyyədə, mükəmməl deyil".