Bakı 2015-in rəsmi mobil tətbiqetməsi yükləmək üçün hazırdır.

Oyunların Təşkilat Komitəsindən qeyd edilib ki, istifadəçilərin yarışlar haqda ən son məlumat və nəticələrlə yanaşı, sosial şəbəkələrə də çıxışı olacaq. Bu barədə Rabitə və Yüksək Texnologiyalar Nazirliyindən Axar.az-a məlumat verilib.

Bakı 2015-in istifadəyə verilmiş yeni tətbiqetməsində birinci Avropa Oyunları ilə əlaqədar bütün idman yarışlarından canlı buraxılışları izləmək mümkün olacaq.

Bununla yanaşı, bu tətbiqetmə istifadəçilərin Oyunlarla bağlı təəssüratını daha da yaxşılaşdırmaq üçün özündə bəzi xüsusiyyətləri əks etdirir. Belə ki, istifadəçilər yarışların nəticələrindən xəbərdar olmaqla və yarışlardan verilən canlı buraxılışları izləməklə yanaşı, idmançılar və Oyunların keçirildiyi obyektlər barəsində səhnə arxası məlumatları da əldə edə biləcəklər. Eyni zamanda tətbiqetmədə 17 gün davam edəcək Oyunların yarış cədvəllərinə də yer verilib.

"Bakıda Coşğu" bölməsi Bakı şəhəri və ətrafında baş verənlər haqda sosial şəbəkələr vasitəsilə edilən gündəlik paylaşımları tək mərkəzdə toplayır. Burada idmançı və tamaşaçıların birinci Avropa Oyunları ərəfəsində yaşadığı macəra dolu həyatı qeyri-adi formada ictimaiyyətə çatdırılacaq.

Tətbiqetməni aşağıdakı keçidlər vasitəsilə yükləyə bilərsiniz:

"İOS": https://itunes.apple.com/us/app/the-official-baku-2015-app/id993164229?mt=8

"Android": https://play.google.com/store/apps/details?id=com.baku2015.android.Baku2015

"Windows Phone": https://www.windowsphone.com/en-us/store/app/the-official-baku-2015-app/6ac04708-5e03-44d1-8675-0a2274a5233b?signin=true