Birinci Avropa Oyunlarını işıqlandıracaq akreditasiyadan keçmiş bir qrup jurnalist artıq Bakıya gəlib.

Axar.az-ın məlumatına görə, xarici jurnalistlər xüsusi avtobuslarla onlar üçün nəzərdə tutulmuş Media kəndinə yola salınıb.

Həmçinin, artıq Avropa Oyunlarında iştirak edəcək Portuqaliyanı təmsil edəcək nümayəndə heyətinin bir qrupu da Bakıdadır. Portuqaliyalıları Əməliyyat Komitəsinin nümayəndələri və könüllülər qarşılayıb.

Portuqaliya Avropa Oyunlarında yarışlara 100 idmançı ilə qatılacaq. Nümayəndə heyəti onlar üçün ayrılmış xüsusi avtobuslarla Atletlər kəndinə yola salınıb.

Bakı-2015 ilk Avropa Oyunları Əməliyyat Komitəsinin Heydər Əliyev beynəlxalq aeroportunda yaratdığı xüsusi qərargah yarışlar başlayanadək gün ərzində fasiləsiz fəaliyyət göstərəcək.