Ana səhifə Bakı 2015 |
Bakı-2015 Avropa Oyunlarında 20 idman növü üzrə yarışlar keçiriləcək.
Axar.az xəbər verir ki, bu oyunlardan biri də dinamik və yenilikçi 3x3 Basketbol yarışları olacaq.
Qadınlardan ibarət komandamız A qrupunda Hollandiya, İsveçrə və Yunanıstan, kişilərdən ibarət komandamız isə D qrupunda Andorra, Çexiya və İsveçrəyə qarşı mübarizə aparacaq.
Qadınların yarışında Çexiya, Belçika, Türkiyə və Ukrayna B qrupunda, İspaniya, Sloveniya, İrlandiya və Slovakiya C qrupunda, Rumıniya, Rusiya, İsrail və Litva isə D qrupunda mübarizəyə qoşulacaqlar.
Kişilərin yarışında isə A qrupunda Sloveniya, Rumıniya, Litva, İsrail, B qrupunda Rusiya, İspaniya, Türkiyə və Belçika, C qrupunda isə Estoniya, Serbiya, İtaliya və Yunanıstan komandaları yarışacaqlar.
Qeyd edək ki, 3x3 basketbol üzrə turnirlər iyunun 23-dən etibarən 4 gün ərzində Bakıda 2000 tamaşaçı tutumuna malik Basketbol Arenasında baş tutacaq.
Tarix
2015.06.10 / 12:04
|
Müəllif
İlham Sahiloğlu
|