"Avropa Oyunlarında tamaşaçı qismində iştirak edən şəxslər metrodan pulsuz istifadə edə biləcəklər".

Axar.az xəbər verir ki, bu barədə Feysbuk hesabından "Bakı Metropoliteni" QSC-nin mətbuat xidmətinin rəhbəri Nəsimi Paşayev məlumat yayıb. O, tamaşaçıların metrodan hansı hallarda pulsuz istifadə edə biləcəklərini açıqlayıb:

"Hörmətli Kütləvi İnformasiya Vasitələrinin nümayəndələri və 1-ci Avropa Oyunlarının tamaşaçıları. Son qərara əsasən Avropa Oyunlarında tamaşaçı qismində iştirak edən şəxslər həmin günə olan biletlərini və şəxsiyyət vəsiqələrini təqdim etməklə metrodan pulsuz istifadə edə biləcəklər.

Qeyd edək ki, daha öncə sadəcə açılış və bağlanış mərasimlərinin iştirakçıları bu hüquqdan istifadə edə bilərdilər".