Yuxarı

Tsenov: "Bakı yeni tarix yazmağa çox yaxındır"

Ana səhifə Bakı 2015
12 Punto 14 Punto 16 Punto 18 Punto
Tsenov: "Bakı yeni tarix yazmağa çox yaxındır"

Bakı-2015 birinci Avropa Oyunları ərəfəsində - iyunun 11-də "Qafqaz City Baku" mehmanxanasında Dünya Güləş Birliyinin Avropa Şurasının illik konfransı keçirilib.

AZƏRTAC xəbər verir ki, yeni vəzifələrin müəyyən olunması istiqamətində bu tədbirin əhəmiyyətini yüksək qiymətləndirən Dünya Güləş Birliyi Avropa Şurasının prezidenti Tseno Tsenov ev sahibliyə görə Azərbaycana öz təşəkkürünü bildirib.

Qeyd edilib ki, Azərbaycan dünya idmanında yeni tarix yazmağa çox yaxındır. İyunun 12-də tarixdə ilk dəfə təşkil olunacaq birinci Avropa Oyunlarının açılış mərasimi keçiriləcək. Birinci Avropa Oyunlarında qitənin ən güclü güləşçiləri mübarizə aparacaq. Çox xoşbəxtəm ki, birinci Avropa Oyunlarının güləş yarışlarını canlı izləmək imkanım olacaq.

Tseno Tsenov deyib ki, Avropa Dünya Güləş Birliyində mühüm rol oynayır. Bu qitədən güclü güləşçilər mötəbər yarışların mükafatçıları sırasında yer alır. Məhz bu konfrans çərçivəsində qurulacaq əməkdaşlıqlar növbəti uğurlara töhfə verəcək və müvəffəqiyyətli nəticələrə gətirib çıxaracaq.

Artıq Bakının dünya idmanının mərkəzinə çevrildiyini bildirən Azərbaycan Güləş Federasiyasının birinci vitse-prezidenti, Dünya Güləş Birliyi İdarə Heyətinin üzvü Namiq Əliyev ölkəmizdə idmana göstərilən dövlət qayğısından danışıb.

Bildirilib ki, ilk Avropa Oyunlarında idmanın 20 növü üzrə yarışlarda 6 mindən artıq atlet birincilik uğrunda mübarizə aparacaq. "Bakı-2015"-in güləş yarışlarında qitənin ən güclü 450-dək pəhləvanı medallar uğrunda gücünü sınayacaq. Ümid edirəm ki, birinci Avropa Oyunları da əvvəllər ölkəmizdə təşkil olunan tədbirlər kimi yüksək səviyyədə keçiriləcək.

Dünya Güləş Birliyinin baş katibi Mişel Dusson birinci Avropa Oyunlarının güləşin inkişafına və kütləviləşməsinə göstərəcək təsirindən, Azərbaycan pəhləvanlarının beynəlxalq arenalarda qazandığı nailiyyətlərdən və ölkəmizin yüksək səviyyədə təşkilatçılıq bacarığından danışıb.

Sonra video bağlantı ilə Dünya Güləş Birliyinin prezidenti Nenad Laloviç konfrans iştirakçılarını salamlayaraq onlara işlərində uğurlar arzulayıb.

Daha sonra konfransın gündəliyinə uyğun olaraq ötən il Finlandiyanın Vantaa şəhərində qəbul olunan protokol ətrafında fikir mübadiləsi aparılıb. Təşkilatın yeni loqosunun, embleminin dəyişdirilməsi barədə müzakirələr olub. Uzun müzakirələrdən sonra qurumun yeni loqosu və emblemi qəbul edilib.

Sonda Avropada güləşin inkişafı istiqamətində müzakirələr aparılıb və təqdimatlar olub.

Tarix
2015.06.11 / 20:28
Müəllif
Axar.az
Digər xəbərlər

Cəmil Həsənli sərbəst buraxıldı - Təcili

Əli Kərimlinin saxlanılması ilə bağlı yeni məlumat

Cəmil Həsənli hava limanından geri qayıtdı - DTX-yə çağırıldı

Gültəkin Bakıya göndərilir: daha iki şəxs saxlanacaq

Gültəkin Hacıbəyli Türkiyədə saxlanıldı: deport edilir

Azərbaycan Qahirədə mühüm iclasda təmsil olunacaq

14 yüksək rütbəli zabitimizin şəhid olmasından 4 il ötür

Bakı və Varşava məsləhətləşmələr aparacaq

Əli Kərimlinin evindən Ramiz Mehdiyevin məktubu tapıldı

Əli Kərimli DTX-yə aparıldı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla