Bakı-2015 Avropa Oyunları çərçivəsində sinxron üzgüçülük üzrə fərdi sərbəst rejimdə təsnifat yarışları başa çatıb.

Təsnifat mərhələsində rusiyalı Anisiya Neborako qalib gəlib – 89,1333, İspaniyalı Betta Ferreras-Sans (86,6333) 2-ci, ukraynalı Yelizaveta Yaxno (86,1667) 3-cü olub.

Beş idmançının ardından mübarizəyə qoşulan Valiulinanın çıxışı hakimlər tərəfindən 72,3000 xalla qiymətləndirilib. O, təsnifat mərhələsini 16-cı yerdə başa vurub. Bununla da təmsilçimiz final mərhələsinə yüksələ bilməyib.

Qeyd edək ki, final mərhələsi iyunun 16-da keçiriləcək. Mükafatçılar saat 16:00-da başlayacaq mübarizədən sonra müəyyənləşəcək.