Almaniyanın Berlin, Drezden, Maqdeburq, Tangerhütte, Zeitz, Leypsiq və digər şəhərlərində bir neçə gündür ki, Azərbaycan bayrağı dalğalanır. Bu şəhərlərdə yaşayan azərbaycanlılar birinci Avropa Oyunları ilə əlaqədar evlərinin eyvanından və damından Azərbaycan bayraqları asıblar.

Azərtac xəbər verir ki, soydaşlarımız bu aksiya ilə son günlər Avropa Parlamentinin, ümumiyyətlə, Avropa siyasətçilərinin və mediasının I Avropa Oyunları ilə əlaqədar Azərbaycana qarşı qərəzli mövqeyinə öz etirazlarını bildirir, eyni zamanda, Bakı-2015-ə dəstək nümayiş etdirirlər.