Bu gün Bakı-2015 Avropa Oyunlarında qadınlar arasında kamandan oxatma üzrə komanda çoxnövçülük yarışlarında 1/8 final mərhələsinin görüşləri başlayıb.

Axar.az xəbər verir ki, azərbaycanlı oxatanların rəqibləri almaniyalı idmançılar olacaq.

11:07

Olqa Senyuk, Nurlana Vəliyeva və Yaylagül Ramazanovadan ibarət millimiz 1/8 finalda Almaniyaya 0:6 hesabı ilə məğlub olub və növbəti mərhələyə adlaya bilməyib.

Digər iki yığmamız 1/8 finalda İtaliya ilə qarşılaşacaq. Kişilərdən ibarət komandamız saat 11:55-də, qarışıq yığmamız isə 15:25-də hədəf önünə keçəcək.

12:51

Kişilərdən ibarət komandamız 1/4 finala vəsiqəni əlavə oyunda əldən verib. Belə ki, İtaliya ilə 1/8 final oyununda Aleksey Kopnin, Taaras Senyuk və Roman Vengerovdan ibarət komandamız 4:5 (0:2, 2:0, 2:0, 0:2, əlavə oyun 0:1) hesabı ilə uduzub. Bununla da yığmamız mübarizəni dayandırıb.