Bu gün Avropa Oyunlarında kişilər arasında sərbəst güləş yarışları keçiriləcək.

Axar.az xəbər verir ki, yarışlarda 4 güləşçimiz qüvvəsini sınayacaq.

57 kq çəki dərəcəsində Yaşar Əliyev 1/8 finalda fransalı Zuxeyr Ouarraqe ilə qarşılaşacaq.

65 kq çəki dərəcəsində Toğrul Əsgərov 1/16 finalda rusiyalı İlyas Bekbulatovla görüşəcək.

74 kq çəki dərəcəsində Cəbrayıl Həsənov 1/8 finalda macar Mixail Naqi ilə qüvvəsini sınayacaq.

97 kq çəki dərəcəsində təmsilçimiz Xetaq Qazyumov 1/16 finalda polşalı Radoslav Baran ilə görüşəcək.

10:27

65 kq çəki dərəcəsində Toğrul Əsgərov 1/16 finalda rusiyalı İlyas Bekbulatovla görüşüb. O, gərgin keçən görüşdə rəqibini 3-1 məğlub edib.

10:37

Təmsilçimiz Xetaq Qazyumov 1/16 finalda polşalı Radoslav Baran ilə görüşüb. O, rəqibini 4-0 məğlub edib.

10:54

Yaşar Əliyev 1/8 finalda fransalı Zuxeyr Ouarraqe ilə qarşılaşıb. O, rəqibini 3-1 məğlub edib. Yaşar Əliyev 1/4 finalda erməni Qarik Barseqyanla qarşılaşacaq.

11:19

Sərbəst üsulla güləş üzrə Olimpiya çempionu Toğrul Əsgərov 1/8 finalda moldovalı Mixail Sava ilə görüşüb. O, rəqibini 4-0 məğlub edib.

11:31

Cəbrayıl Həsənov 1/8 finalda macar Mixail Naqi ilə qüvvəsini sınayıb. O, rəqibini 4-0 məğlub edib.

12:19

Cəbrayıl Həsənov 1/4 finalda türkiyəli Soner Dəmirdaşla görüşüb. O, rəqibinə 5-0 məğlub olub.

12:22

Təmsilçimiz Xetaq Qazyumov 1/8 finalda moldovalı Nikolay Ceban ilə görüşüb. O, rəqibini 3-0 məğlub edib.

12:33

Yaşar Əliyev 1/4 finalda erməni Qarik Barseqyanla qarşılaşıb. O, rəqibini 3-1 məğlub edib.

13:03

Təmsilçimiz Xetaq Qazyumov 1/4 finalda bolqar İbrahim Səidau ilə görüşüb. O, rəqibini 3-1 məğlub edib və yarımfinala yüksəlib.

13:06

Toğrul Əsgərov 1/4 finalda fransalı Maksim Fique ilə görüşüb. O, rəqibini 4-0 məğlub edib və yarımfinala yüksəlib.

13:32

Təmsilçimiz Xetaq Qazyumov yarımfinalda rus Əbdüsalam Qadisovla görüşüb. O, rəqibini 3-1 məğlub edib və finala yüksəlib.

13:43

Yaşar Əliyev yarımfinalda rus Viktor Lebedevlə qarşılaşıb. O, rəqibinə 3-1 məğlub olub. Əliyev bürünc medal uğrunda mübarizə aparacaq.

13:47

Cəbrayıl Həsənov təsəlliverici mərhələdə fin Henri Seleniusla görüşüb. O, rəqibini 4-0 udub. Həsənov bürünc medal uğrunda bolqar Kiril Terziyevlə qarşılaşacaq. Görüş bu gün 20:07-də baş tutacaq.

14:02

Toğrul Əsgərov yarımfinalda belaruslu Azamat Nurykau ilə görüşüb. O, rəqibini 3-1 məğlub edib və finala yüksəlib.

14:49

Toğrul Əsgərov finalda italiyalı Frank Markezlə görüşəcək. Qarşılaşma 19:35-də başlayacaq.

***

Təmsilçimiz Xetaq Qazyumov finalda gürcü Elizbar Odikadze ilə görüşəcək. Qarşılaşma 21:00-da başlayacaq.

***

Yaşar Əliyev bürünc medal uğrunda türkiyəli Sezar Akgüllə güləşəcək. Görüş bu gün 19:07-də baş tutacaq.

19:12

Yaşar Əliyev bürünc medal uğrunda türkiyəli Sezar Akgüllə güləşir.

19:16

Yaşar Əliyev bürünc medal uğrunda türkiyəli Sezar Akgüllə güləşdi, təmsilçimiz vaxtından əvvəl rəqibinə məğlub olaraq (8-3) bürünc qazanmaq şansını əldən verdi.

19:42

Toğrul Əsgərov finalda italiyalı Frank Markezlə görüşür.

19:45

Toğrul Əsgərov finalda italiyalı Frank Markezlə görüşdü və idmançımız italiyalı rəqibinin kürəyini tam yerə vurduğu üçün vaxtından əvvəl qalib gəldi. Toğrul millimizin 20-ci medalını qazandı.

Qeyd edək ki, Əsgərovun final görüşünü Prezident İlham Əliyev və ailəsi izlədi.

20:00

Cəbrayıl Həsənov bürünc medal uğrunda bolqar Kiril Terziyevlə qarşılaşır.

20:05

Həsənov bolqar idmançıya asanlıqla qalib gələrək bürünc mükafatı əldə etdi.

20:55

Təmsilçimiz Xetaq Qazyumov finalda gürcü Elizbar Odikadze ilə görüşür.

21:04

Təmsilçimiz Xetaq Qazyumov finalda gürcü Elizbar Odikadze ilə qarşılaşdı və görüşdən qalib ayrıldı. Bununla Qazyumov 22-ci medalımızı qazandı.