"İkinci Avropa oyunlarına ev sahibliyi edəcək ölkə təqvim məsələsini nəzərə almalıdır".

Axar.az xəbər verir ki, bunu Rusiya Olimpiya Komitəsinin vitse-prezidenti Vladimir Lisin söyləyib.

Onun sözlərinə görə, Avropa Oyunları çox yaxşı təşəbbüsdür:

"Bundan sonra onun necə inkişaf edəcəyini proqnozlaşdırmaq çətindir, lakin indi qəti şəkildə deyə bilərik ki, onların keçirilmə müddətini daha diqqətlə düşünmək lazımdır. Bəziləri ilkin heyətini gətirə bilmədi".

Qeyd edək ki, ilk Avropa Oyunları iyunun 12-də Bakıda start götürüb.