Bakı-2015 ilk Avropa Oyunlarında bugün baş tutmuş boks yarışlarında, böyük britaniyalı Antoni Fovler, orta çəki dərəcəsində (75kq) italiyalı yeniyetmə Salvatore Kavallaroya şok məğlubiyyətindən sonra hakimlərdən narazı qalıb.

Axar.az xəbər verir ki, Birləşmiş Krallığın çempionu, birinci raundda 19 yaşlı rəqibinin xeyrinə qərar çıxarıldıqdan sonra, yaranmiş vəziyyəti "bərbad" adlandırıb. İki raundda qalib gəldiyini düşünən Fovler, məğlub olduğunu oyunun sonunda öyrənib və nəticədən olduqca heyrətə gəlib.

"Deməyə sözüm yoxdur. Mən elə düşünürdüm ki, ilk iki raundda qələbə çalmışam. Sonuncu raundda isə rəqibim kənara qaçdığından, kimin qalib gəldiyi aydın deyildi. Mən bir neçə dəfə ona ağrılı zərbələr endirmişdim və düşünürdüm ki, o buna görə yan qaçır. Rəqibim mənim qüvvəmi hiss etmişdi və orada mənimlə üz-üzə qalmaq istəmirdi. Mən indi məhv olmuş vəziyyətdəyəm".

Fovler, bu məğlubiyyətdən məyus olaraq həvəsdən düşdüyünü bildirsə də, bu uğursuzluğun, onun Sofiya 2015 Avropa Çempionatında iştirakına təsir etməyəcəyini deyib.