Ana səhifə Bakı 2015 |
"Yarışları yayımlamağa xüsusi PTZ-lər (Pan, tilt, zoom) lazımdır, bizdə isə buna imkan yoxdur".
Bu sözləri ANS Şirkətlər Qrupu direktorunun ictimai əlaqələr üzrə baş müşaviri Mais Məmmədov I Avropa Oyunlarının ANS telekanalında canlı yayımlanmaması ilə bağlı Axar.az-a danışarkən deyib:
"Biz idmanla bağlı hər şeyi veririk: xüsusi idman verilişləri, "Xəbərçi" və baş verilişlərimizdə bütün xəbərləri efirə gedir. Yarışı canlı yayımlamaq isə icazə ilə, pulla deyil, özümüz gedib çəkilişlər aparmalı və canlı verməliyik. Sadəcə, bizdə o imkan yoxdur. Bunun üçün xüsusi PTZ kameralar lazımdır. Bunun vasitəsilə biz oyunları yayımlaya bilərik. Bizdə isə dediyim kimi, buna imkan yoxdur".
Xatırladaq ki, Avropa Oyunlarını yalnız iki kanal - AzTV və "İdman Azərbaycan" canlı yayımlayır. Bir neçə maraqlı yarışlar üst-üstə düşəndə isə tamaşaçıların bütün yarışları paralel izləmək imkanı olmur.
Tarix
2015.06.22 / 12:25
|
Müəllif
Nigar An
|