Ana səhifə Bakı 2015 |
Bu gün Bakı-2015 Avropa Oyunlarında üzgüçülük yarışların ikinci günü başlayıb.
Axar.az-ın məlumatına görə, bu gün yarışlarda 8 dəst medal oynanılacaq.
Azərbaycanı yarışlarda iki idmançı təmsil edəcək. Azərbaycan təmsilçilərindən kişilər arasında 100 metr məsafəyə sərbəst üsulla Kamran Cəfərov və Dorian Fazekas üzəcək. Cəfərov ilk, Fazekas ikinci təsnifat yürüşündə yer alacaq.
Qarışıq üsulla 4X100 metr məsafəyə sərbəst üsulla ötüşmə yarışında da Azərbaycan təmsil olunacaq.
***
Təmsilçilərimizdən Kamran Cəfərov və Dorian Fazekaş 100 metr
məsafəyə sərbəst üsulla üzməkdə qüvvəsini sınayıb. 1-ci qrupda
çıxış edən Cəfərov məsafəni 57,43 saniyəyə qət edib. O, 5 idmançı
arasında 4-cü olub.
Macarıstan əsilli Fazekaş 2-ci qrupda çıxış edib. Dorian 54,34
saniyə nəticə ilə 10 üzgüçü arasında 8-ci olub.
Cəfərov və Fazekaş yarımfinala yüksələn 16 üzgüçü sırasında düşə
bilməyib. Belə ki, 65 iştirakçı arasında ən yaxşı nəticəyə imza
atanlar növbəti mərhələyə vəsiqə əldə edib. Bunun üçün
idmançılarımız ən azı 51,29 saniyəlik nəticəyə imza atmalı idi.
Tarix
2015.06.24 / 10:51
|
Müəllif
İlham Sahiloğlu
|